ബറയ്‌ലി: ഉത്തര്‍പ്രദേശിലെ ബറയ്‌ലിയില്‍ യുവതിയെ പീഡിപ്പിച്ച് ഗര്‍ഭിണിയാക്കിയയാള്‍ കുട്ടിയെ 25,000 രൂപയ്ക്കു വിറ്റു.
വിവാഹ വാഗ്ദാനം നല്‍കി യുവതിയെ പീഡിപ്പിക്കുകയും യുവതി ഗര്‍ഭിണിയായതിനെ തുടര്‍ന്ന് നാട്ടുകാരുടെ സമ്മര്‍ദ്ദം മൂലം വിവാഹം കഴിക്കുകയും ചെയ്ത യുവാവാണ് ക്രൂരത കാട്ടിയത്.
ഷാവേസ് എന്നു പേരുള്ള ഇയാള്‍ എം ബ്രോയിഡറി ജോലികള്‍ ചെയ്യുന്നയാളാണ്.
കുഞ്ഞിനെ 25,000 രൂപയ്ക്ക് മക്കളില്ലാത്ത ദമ്പതികള്‍ക്കു വിറ്റതോടെ യുവതി പരാതിപ്പെടുകയായിരുന്നു.
ഇയാളില്‍ നിന്നും വിവാഹമോചനം നേടിയ യുവതി മകളെ തിരിച്ചുകിട്ടണമെന്ന് ആവശ്യപ്പെട്ടു  പൊലിസിനു പരാതി നല്‍കിയിരിക്കുകയാണ്.