കൊല്ലം: മൃഗസംരക്ഷണ വകുപ്പ് ജില്ലയില്‍ നഗരപ്രദേശങ്ങളില്‍ മുട്ടക്കോഴി വളര്‍ത്തല്‍ പ്രോത്സാഹിപ്പിക്കുന്നതിനും മുട്ട ഉല്‍പാദനം വര്‍ധിപ്പിക്കുന്നതിനുമായി വര്‍ഷത്തില്‍ 300 മുട്ട ലഭിക്കുന്ന ബിവി380 വിഭാഗത്തില്‍പ്പെടുന്ന 10 മുട്ടക്കോഴികളും ആധുനിക രീതിയിലുള്ള കൂടുകളും 50 ശതമാനം സബ്‌സിഡിയോടു കൂടി വിതരണം ചെയ്യും. കൊല്ലം കോര്‍പറേഷനിലും കൊട്ടാരക്കര, പുനലൂര്‍, പരവൂര്‍, കരുനാഗപ്പള്ളി മുനിസിപ്പാലിറ്റികളിലുമാണ് പദ്ധതി നടപ്പിലാക്കുന്നത്. കൊല്ലം കോര്‍പ്പറേഷനിലെ മങ്ങാട്, പുന്തലത്താഴം, ശക്തികുളങ്ങര, ഇരവിപുരം, തേവള്ളി മൃഗാശുപത്രികളിലും കൊട്ടാരക്കര, പുനലൂര്‍, പരവൂര്‍, കരുനാഗപ്പള്ളി മൃഗാശുപത്രികളിലും അപേക്ഷ നല്‍കാം. ഗുണഭോക്തൃവിഹിതമായ 5000 രൂപ എല്ലാ ഗുണഭോക്താക്കളും നല്‍കണം.