തിരുവനന്തപുരം: ക്ഷേത്രത്തിനു വേണ്ടി തേക്ക് അനുവദിക്കണമെന്നാവശ്യട്ട് സംഭവത്തില്‍ വിശദീകരണവുമായി മുന്‍മന്ത്രി ഇ.പി ജയരാജന്‍ രംഗത്തെത്തി. തേക്ക് തടി സൗജന്യമായി അനുവദിക്കണമെന്ന് ആവശ്യപ്പെട്ടിട്ടില്ലെന്നും തനിക്ക് കുടുംബ ക്ഷേത്രമില്ലെന്നും ജയരാജന്‍ പറഞ്ഞു.

ഇരിണാവ് ക്ഷേത്രം ദേവസ്വം ബോര്‍ഡിന്റെ കീഴിലുള്ള ക്ഷേത്രമാണ്. ക്ഷേത്രകമ്മിറ്റി ഏല്‍പിച്ച കത്ത് ജനപ്രതിനിധി എന്ന നിലക്ക് വനംമന്ത്രിക്ക് കൈമാറുക മാത്രമാണ് ചെയ്തത്. ശ്രീകോവിലും മറ്റും നിര്‍മ്മിക്കാന്‍ ആവശ്യമായ തടി സൗജന്യമായി നല്‍കണമെന്ന് ക്ഷേത്രകമ്മിറ്റി നിവേദനം നല്‍കി. താന്‍ അത് വനംമന്ത്രിക്ക് കൈമാറുക മാത്രമാണ് ചെയ്തത്.

അല്ലാതെ തേക്ക് തടി സൗജന്യമായി നല്‍കാന്‍ കത്ത് നല്‍കിയിട്ടില്ല. ഇരിണാവ് ക്ഷേത്രത്തില്‍ ചെറുപ്പത്തില്‍ കുളിക്കാന്‍ പോയിട്ടുണ്ടെന്ന് അല്ലാതെ ആ ക്ഷേത്രവുമായി തനിക്ക് ബന്ധമില്ലെന്നും അദ്ദേഹം പറഞ്ഞു.