പത്തനംതിട്ട: തുലാമാസ പൂജകള്‍ പൂര്‍ത്തിയാക്കി ശബരിമല നട അടച്ചു. ഇന്നലെ രാത്രി പത്തിനാണ് ഹരിവരാസനം പാടി നട അടച്ചത്. 12 വര്‍ഷത്തിനു ശേഷം ശബരിമലയില്‍ അഷ്ടബന്ധകലശം നടത്തിയത് തുലാമാസ പൂജയ്ക്കായിരുന്നു. പൂജകള്‍ക്ക് തന്ത്രി കണ്ഠര് രാജീവര്, മേല്‍ശാന്തി എസ്.ഇ. ശങ്കരന്‍ നമ്പൂതിരി എന്നിവര്‍ കാര്‍മികത്വം വഹിച്ചു.  
    ചിത്തിര ആട്ടവിശേഷത്തിനായി ശബരിമല നട 28ന് വൈകിട്ട് അഞ്ചിന് തുറക്കും. 29നാണ് ചിത്തിര ആട്ടവിശേഷം. അന്ന് രാത്രി പത്തിന് നട അടയ്ക്കും. മണ്ഡല മഹോത്സവത്തിനായി നവംബര്‍ 15ന് വൈകിട്ട് അഞ്ചിന് നട തുറക്കും.
അന്ന് പുതിയ മേല്‍ശാന്തിമാരുടെ സ്ഥാനമേല്‍ക്കല്‍ ചടങ്ങും നടക്കും.