കോഴിക്കോട്: ആക്ഷേപഹാസ്യ വിമര്‍ശനത്തിനുള്ള രാമദാസ് വൈദ്യര്‍ അവാര്‍ഡിന് വി.ആര്‍ രാഗേഷ് അര്‍ഹനായി. 11,111 രൂപയും പ്രശസ്തിപത്രവും ഫലകവും അടങ്ങുന്നതാണ് അവാര്‍ഡ്.
ഇ.പി ജയരാജന്റെ ബന്ധുനിയമനവുമായി ബന്ധപ്പെട്ടു വരച്ച കാര്‍ട്ടൂണാണ് രാഗേഷിനെ അവാര്‍ഡിനര്‍ഹനാക്കിയത്. ഇന്നു വൈകിട്ട് ആറിന് വി.കെ കൃഷ്ണമേനോന്‍ ഹാളില്‍ നടക്കുന്ന രാമദാസ് വൈദ്യര്‍ അനുസ്മരണ ചടങ്ങില്‍ ചലച്ചിത്രതാരം ശ്രീനിവാസന്‍ അവാര്‍ഡ് വിതരണം ചെയ്യും. 'മാധ്യമം' പത്രത്തിലെ സ്റ്റാഫ് കാര്‍ട്ടൂണിസ്റ്റാണ് രാഗേഷ്. കണ്ണൂര്‍ ജില്ലയിലെ കരുവഞ്ചാല്‍  മീമ്പറ്റി സ്വദേശിയാണ്. അച്ഛന്‍ വി.വി രാമചന്ദ്രന്‍, അമ്മ കെ. യശോദ, ഭാര്യ സജ്‌ന രാഗേഷ്. കാര്‍ട്ടൂണിന് കേരള ലളിതകലാ അക്കാഡമി പുരസ്‌കാരം, കുഞ്ഞിമംഗലം നാരായണന്‍ മാസ്റ്റര്‍ മെമ്മോറിയല്‍ സ്വര്‍ണ മെഡല്‍, മായാ കമ്മത്ത് മെമ്മോറിയല്‍ പുരസ്‌കാരം തുടങ്ങിയവ ലഭിച്ചിട്ടുണ്ട്.