മലപ്പുറം: മലപ്പുറം ജില്ലാ ഇന്ത്യന്‍ നാഷനല്‍ ലീഗിന്റെ പുതിയ പ്രസിഡന്റായി സി.എച്ച്. മുസ്തഫ മമ്പാടിനെയും ജനറല്‍ സെക്രട്ടറിയായി ടി.സമദ് വേങ്ങരയേയും തെരെഞ്ഞെടുത്തു. മലപ്പുറം സ്‌പോര്‍ട്‌സ് കൗണ്‍സില്‍ ഹാളില്‍ നടന്ന ജില്ലാ കൗണ്‍സില്‍ യോഗം സംസ്ഥാന ജനറല്‍ സെക്രട്ടറി പ്രൊഫ.എ.പി.അബ്ദുല്‍ വഹാബ് ഉദ്ഘാടനം ചെയ്തു. അഡ്വ.ഒ.കെ.തങ്ങള്‍ അധ്യക്ഷനായി. ജില്ലാ വൈസ് പ്രസിഡന്റുമാരായി കെ.പി.അബ്ദുറഹ്മാന്‍ ഹാജി വെട്ടം, സ്വാലിഹ് മേടപ്പില്‍, പി.കെ.എസ്.മുജീബ് ഹസന്‍, പ്രൊഫ.കെ.കെ.മുഹമ്മദ്, എന്നിവരെയും സെക്രട്ടറിമാരായി സാധു റസാഖ്, സലീം കക്കാടന്‍, മുഹമ്മദലി മാസ്റ്റര്‍ മഞ്ചേരി, സി.പി.അബ്ദുല്‍ വഹാബ് എന്നിവരെയും ട്രഷററായി ഒ.എം.എ.ജബ്ബാര്‍ ഹാജിയെയും തെരെഞ്ഞടുത്തു. സെക്രട്ടേറിയേറ്റ് അംഗങ്ങളായി വി.കെ.അബൂബക്കര്‍ മൗലവി എടക്കുളം, എം.അലവിക്കുട്ടി മാസ്റ്റര്‍ കോട്ടക്കല്‍, സി.പി.അന്‍വര്‍ സാദാത്ത് ചെമ്മാട്, റഹ്മത്തുല്ല ബാവ കുമ്മിണിപ്പറമ്പ്, സിദ്ദീഖ് താനൂര്‍ എന്നിവരെയും തെരഞ്ഞെടുത്തു. സംസ്ഥാന സെക്രട്ടറി എന്‍.കെ.അബ്ദുല്‍ അസീസ്, സെക്രട്ടേറിയേറ്റ് അംഗം ബശീര്‍ ബഡേരി എന്നിവര്‍ തെരഞ്ഞടുപ്പു നടപടികള്‍ക്കു നേതൃത്വം നല്‍കി.