അഗളി: കേരളത്തിന്റെ വിവിധ പ്രദേശങ്ങളിലുള്ളവരുടെ വാട്‌സ്ആപ് കൂട്ടായ്മ അട്ടപ്പാടിയില്‍ പുസ്തകശേഖരം നല്‍കി. അഗളിക്കടുത്ത വട്‌ലക്കിയിലുള്ള ശാന്തിഇന്‍ഫര്‍മേഷന്‍ ഹെല്‍ത്ത് സെന്ററിലെ ലൈബ്രറിയിലേക്കാണ് വാകമരച്ചോട്ടില്‍ വാട്‌സ്ആപ് കൂട്ടായ്മ 1600 ലധികം പുസ്തകങ്ങള്‍ സൗജന്യമായി നല്‍കിയത്. കാസര്‍ഗോഡ് മുതല്‍ തിരുവനന്തപുരം വരെയുള്ള ജില്ലകളില്‍ നിന്നെത്തിയ കൂട്ടായ്മയുടെ പ്രതിനിധികളാണ് ഇന്നലെ ശാന്തിഗ്രാമത്തില്‍ നടന്ന ചടങ്ങില്‍ പുസ്തകങ്ങള്‍ കൈമാറിയത്.
പുസ്തകങ്ങള്‍ അട്ടപ്പാടി ഐ.എച്ച്.ആര്‍.ഡി കോളജ് പ്രിന്‍സിപ്പല്‍ ഡോ.സലോമി ഏറ്റുവാങ്ങി. ശാന്തിഗ്രാമത്തിലെ ആദിവാസികള്‍ക്കുകൂടി പ്രയോജനപ്പെടുന്ന രീതിയില്‍ സഞ്ചരിക്കുന്ന വായനശാലയാക്കാന്‍ ശ്രമിക്കണമെന്ന് കൂട്ടായ്മയിലെ അംഗങ്ങള്‍ ആവശ്യപ്പെട്ടു. ചടങ്ങില്‍ ഡോ. പ്രഭുദാസ്, ഐ.എച്ച്.ആര്‍.ഡി കോളജ് പ്രിന്‍സിപ്പല്‍ ഡോ. സലോമി, ബഷീര്‍ മാടാല, വാകമരച്ചോട്ടില്‍ പ്രതിനിധി നിധിന്‍ കാസര്‍ഗോഡ്, ജയിംസ് മാസ്റ്റര്‍, ആനി പ്രസംഗിച്ചു.