പുത്തനത്താണി: ഐക്യരാഷ്ട്ര സഭയുടെ രൂപീകരണത്തിന്റെ 71-ാം വാര്‍ഷിക ദിനാചരണത്തിന്റെ ഭാഗമായി കോട്ടൂര്‍ എ.കെ.എം ഹയര്‍സെക്കന്‍ഡറി സ്‌കൂളില്‍ സോഷ്യല്‍ സയന്‍സ് ക്ലബ് വിവിധ പരിപാടികള്‍ സംഘടിപ്പിച്ചു. ഐക്യരാഷ്ട്ര സഭയിലെ അംഗങ്ങളായ രാജ്യങ്ങളെ പരിചയപ്പെടുത്തലും പതാകകളുടെ പ്രദര്‍ശനവും നടന്നു. സാമൂഹ്യശാസ്ത്രം അധ്യാപകന്‍ എന്‍ പുഷ്പരാജന്‍ ക്ലാസെടുത്തു. എസ്.എസ് കണ്‍വീനര്‍ ആഷിഫ, ചെയര്‍മാന്‍ നാദിര്‍ കെ.കെ സംസാരിച്ചു.