മലപ്പുറം:  കുറഞ്ഞ ചെലവില്‍ ഡെസ്‌ക്‌ടോപ്പ്, ലാപ്‌ടോപ്പ് കംപ്യൂട്ടറുകള്‍ നന്നാക്കുന്നതിനായി  അഡീഷണല്‍ സ്‌കില്‍ അക്വിസിഷന്‍സ് പ്രോഗ്രാമിന് (അസാപ്) കീഴില്‍ തുടങ്ങിയ വയര്‍ ഓണ്‍  ടെക് കമ്പനി കലക്ടറേറ്റ് സമ്മേളന ഹാളില്‍ പി. ഉബൈദുള്ള എം.എല്‍.എ. ഉദ്ഘാടനം ചെയ്തു.   
2014-15 ല്‍ ബി.എസ്.എന്‍.എല്‍ നടത്തിയ പി.സി ഹാര്‍ഡ്‌വെയര്‍ ആന്‍ഡ് നെറ്റ്‌വര്‍ക്ക് കോഴ്‌സ് കഴിഞ്ഞ അഞ്ച് കുട്ടികള്‍ ചേര്‍ന്നാണ് കുറഞ്ഞ ചെലവില്‍ കംപ്യൂട്ടര്‍ സര്‍വിസിങ്  നടത്തുന്നതിന് കമ്പനി തുടങ്ങിയത്. വയര്‍ ഓണ്‍ ടെക് പ്രാഥമിക ഘട്ടത്തില്‍ അസാപ്പിന്റെ  കീഴിലുള്ള മുഴുവന്‍ സ്‌കൂളുകളിലെയും കംപ്യൂട്ടര്‍ അനുബന്ധ ഉപകരണങ്ങള്‍ കുറഞ്ഞ  ചെലവില്‍ നന്നാക്കും. തുടര്‍ന്ന് വീടുകളില്‍ ചെന്ന് സര്‍വീസ് ചെയ്യുന്ന പ്രവര്‍ത്തനം തുടങ്ങും.
പരിപാടിയില്‍  പെരുവള്ളൂര്‍ ഹയര്‍സെക്കന്‍ഡറി സ്‌കൂള്‍ പ്രിന്‍സിപ്പല്‍ അബ്ദുല്‍ നാസര്‍ കെ, ജില്ലാ പ്രോഗ്രാം മാനേജര്‍ മേഴ്‌സി പ്രിയ, പ്രോഗ്രാം മാനേജര്‍ ആസിഫ് റഹ്മാന്‍, അബ്ദുല്‍ സലാം എന്നിവര്‍ പങ്കെടുത്തു.