മലപ്പുറം: പട്ടികജാതിക്കാര്‍ക്കുമേല്‍ പൊലിസ് നടത്തുന്ന മൂന്നാംമുറ അവസാനിപ്പിക്കണമെന്നു ദലിത് ലീഗ് ജില്ലാ കമ്മിറ്റി. പട്ടികജാതിക്കാരെ ഇല്ലാത്ത കുറ്റംചുമത്തി പൊലിസ് സ്റ്റേഷനില്‍വച്ചു പീഡിപ്പിക്കുന്ന സംഭവങ്ങള്‍ സംസ്ഥാനത്തുടനീളം നടക്കുന്നതായി യോഗം വിലയിരുത്തി.
കൊല്ലം പൊലിസ് സ്റ്റേഷനില്‍ പട്ടികജാതിക്കാരെ ക്രൂരമായി മര്‍ദിച്ച പൊലിസുകാര്‍ക്കെതിരേ മുഖ്യമന്ത്രിയും വകുപ്പ് മന്ത്രിയും ഇടപെട്ടു ശക്തമായ നടപടി സ്വീകരിക്കണമെന്നു യോഗം ആവശ്യപ്പെട്ടു. എന്‍.വി മോഹന്‍ദാസ് അധ്യക്ഷനായി.
അഡ്വ. എം.പി ഗോപി, വേലായുധന്‍ മഞ്ചേരി, കുഞ്ഞുണ്ണി കിഴിശ്ശേരി, കെ. ശ്രീധരന്‍, പ്രകാശന്‍ മൂച്ചിക്കല്‍, ചന്ദ്രന്‍ ചമ്രവട്ടം, ചാലില്‍ ശങ്കരന്‍, താമി തിരൂര്‍ സംസാരിച്ചു.