ബീജിങ്: വടക്കുപടിഞ്ഞാറന്‍ ചൈനയിലുണ്ടായ സ്‌ഫോടനത്തില്‍ 14 പേര്‍ മരിച്ചതായി റിപ്പോര്‍ട്ട്. 147 പേര്‍ക്ക് പരുക്കേറ്റു. ഇതില്‍ 11 പേരുടെ നില ഗുരുതരമാണ്. ഷാന്‍ഷി പ്രവിശ്യയിലെ ഷിന്‍മിനില്‍ താല്‍കാലിത വസതിയിലാണ് സ്‌ഫോടനമുണ്ടായതെന്ന് സിന്‍ഹുവ വാര്‍ത്താ ഏജന്‍സി റിപ്പോര്‍ട്ട് ചെയ്തു. തിങ്കളാഴ്ച്ച ഉച്ചയോടെയാണ് സ്‌ഫോടനം നടന്നത്.

വീടിനു സമീപത്തുള്ള ഒരു ആശുപത്രി അടക്കം നിരവധി കെട്ടിടങ്ങളും തകര്‍ന്നിട്ടുണ്ട്. അനധികൃതമായി വീടിനുള്ളില്‍ സൂക്ഷിച്ച സ്‌ഫോടക വസ്തു പൊട്ടിത്തെറിച്ചാണ് അപകടമുണ്ടായതെന്ന് പ്രാഥമിക അന്വേഷണത്തില്‍ കണ്ടെത്തിയിട്ടുണ്ട്. ഇതേ തുടര്‍ന്ന് വീടിന്റെ ഉടമസ്ഥനെ പൊലിസ് കസ്റ്റഡിയിലെടുത്തിട്ടുണ്ട്. സംഭവത്തെകുറിച്ച് അന്വേഷണം ആരംഭിച്ചു.