കണ്ണൂര്‍: ഇളയരാജയുടെ സംഗീത സംവിധാനത്തില്‍ അല്‍ക്കാ അജിത്തിനു പാടാന്‍ അവസരം. ഈ മാസം 21നു റിലീസ് ചെയ്ത ജോണ്‍സണ്‍ എസ്താപ്പന്‍ സംവിധാനം ചെയ്ത 'ദഫേതാര്‍' സിനിമയില്‍ ഇളയരാജയുടെ സംഗീതസംവിധാനത്തില്‍ ഗാനം ആലപിക്കാന്‍ സാധിച്ചതായി അല്‍ക്ക വാര്‍ത്താസമ്മേളനത്തില്‍ പറഞ്ഞു.
റഫീക്ക് അഹമ്മദിന്റെ 'ഓരില ഈരില ആലിലാടുവാന്‍' എന്ന വരിയില്‍ തുടങ്ങുന്ന പാട്ടാണു അല്‍ക്ക ആലപിച്ചത്. രണ്ടരവയസു മുതല്‍ പല വേദികളിലായി ആലപിക്കുവാന്‍ തുടങ്ങിയ അല്‍ക്ക തമിഴ്, മലയാളം സിനിമകളിലായി 35 ഗാനങ്ങള്‍ ആലപിച്ചിട്ടുണ്ട്. ഗാനം കേട്ട് ഇളയരാജയുടെ അടുത്ത തമിഴ് സിനിമയില്‍ പാടുവാനുള്ള അവസരവും ലഭിച്ചിട്ടുണ്ടെന്നു പിതാവ് എം.പി അജിത്ത് കുമാര്‍ പറഞ്ഞു. ഇപ്പോള്‍ മദ്രാസ് സര്‍വകലാശാലയില്‍ ബി.എ മ്യൂസിക് ചെയ്യുകയാണ് അല്‍ക്ക. വാര്‍ത്താസമ്മേളനത്തില്‍ ടി.വി ജയറാമും പങ്കെടുത്തു.