കോഴിക്കോട്: ചെന്നൈ അപ്പോളോ ആശുപത്രിയില്‍ ചികിത്സയില്‍ കഴിയുന്ന തമിഴ്‌നാട് മുഖ്യമന്ത്രി ജയലളിതയുടെ അസുഖം മാറാന്‍ എ.ഐ.എ.ഡി.എം.കെ ജില്ലാ കമ്മിറ്റിയുടെ ആഭിമുഖ്യത്തില്‍ ഇന്നു കോഴിക്കോട്ട് സര്‍വമത പ്രാര്‍ഥന നടത്തും.
വൈകിട്ട് അഞ്ചിന് കണ്ടംകുളം ജൂബിലി ഹാളില്‍ നടക്കുന്ന ചടങ്ങില്‍ തമിഴ്‌നാട് നഗരവികസന മന്ത്രി എസ്.പി വേലുമണി, ശാന്തിഗിരി ആശ്രമം ഓര്‍ഗനൈസിങ് സെക്രട്ടറി ഗുരു രത്‌നം ജ്ഞാന തപസ്വി, കോഴിക്കോട് രൂപത വികാര്‍ ജനറല്‍ റവ. ഡോ. തോമസ് പനക്കല്‍,  പ്രൊഫ. എ.കെ അബ്ദുല്‍ ഹമീദ്, കെ.ആര്‍ അര്‍ജുനന്‍ എം.പി പങ്കെടുക്കുമെന്ന് ഭാരവാഹികള്‍ അറിയിച്ചു.
വാര്‍ത്താസമ്മേളനത്തില്‍ എ.ഐ.എ.ഡി.എം.കെ കേരള ഘടകം ഭാരവാഹികളായ പുരുഷോത്തമന്‍ കുറ്റിയില്‍, ബിനു വണ്ടൂര്‍, കെ.എസ്.ആര്‍ സിദ്ദീഖ്, അന്‍വര്‍ സാദത്ത്, പി. അബൂബക്കര്‍ സംബന്ധിച്ചു.