കോഴിക്കോട്: കരളിന്റെ പ്രവര്‍ത്തനം പൂര്‍ണമായും നിശ്ചലമായ ഹജൂറാ ഷെറിന്‍ എന്ന പതിനെട്ടുകാരി തുടര്‍ചികില്‍സയ്ക്കായി ഉദാരമതികളുടെ സഹായം തേടുന്നു.

കൊടുവള്ളി നെരൂക്കിലെ പട്ടിണിച്ചാലില്‍ അഷ്‌റഫിന്റെ മകളായ പതിനെട്ടുകാരി ഷെറിന് ഒരു മാസം മുന്‍പാണ് കരള്‍രോഗം ബാധിക്കുന്നത്. പിന്നീട് കോഴിക്കോട്ടെ വിവിധ സ്വകാര്യ ആശുപത്രികളില്‍ ചികില്‍സ തേടിയെങ്കിലും ഇനി കരള്‍ മാറ്റിവയ്ക്കല്‍ ശസ്ത്രക്രിയ മാത്രമാണ് പരിഹാരമെന്നാണ് ഡോക്ടര്‍മാരുടെ നിഗമനം.

എന്നാല്‍ ശസ്ത്രക്രിയയ്ക്ക് 20 ലക്ഷത്തോളം രൂപ ചെലവുവരും.
.

മീന്‍ കച്ചവടം നടത്തി ഉപജീവനം നടത്തുന്ന അഷ്‌റഫിനും കുടുംബത്തിനും കരള്‍മാറ്റ ശസ്ത്രക്രിയയ്ക്കു വരുന്ന ഭീമമായ ചിലവ് താങ്ങാനാകില്ല.

ഒരു മാസത്തോളം നീണ്ടുനിന്ന ചികില്‍സയ്ക്കു വന്ന ബാധ്യതകള്‍ ഇപ്പോഴും നിലനില്‍ക്കുകയാണ്. നിക്കാഹ് കഴിഞ്ഞ് വൈവാഹിക ജീവിതം സ്വപ്നം കണ്ടു നിന്ന ഷെറിനു വന്നുപെട്ട പരീക്ഷണത്തിനു മുമ്പില്‍ ഉദാരമതികളുടെ സഹായവും സുമനസുകളുടെ പ്രാര്‍ഥനയുമാണ് കുടുംബത്തിന് പ്രതീക്ഷ നല്‍കുന്നത്.

ഷെറിന്റെ ചികില്‍സക്ക് ആവശ്യമായ ഫണ്ട് കണ്ടെത്തുന്നതിന് പ്രമുഖ പണ്ഡിതന്‍ വാവാട് കുഞ്ഞിക്കോയ മുസ്‌ലിയാര്‍ ചെയര്‍മാനായി ചികില്‍സാ സഹായ കമ്മറ്റിക്ക് നാട്ടുകാര്‍ രൂപം നല്‍കിയിട്ടുണ്ട്.

കാരാട്ട് റസാഖ് എം.എല്‍.എ, അഡ്വ: പി.ടി.എ റഹീം എം.എല്‍എ, സിമോയിന്‍കുട്ടി(മുന്‍ എം.എല്‍.എ ) എ.പി.മജീദ് മാസ്റ്റര്‍ (കൊടുവള്ളി മുനിസിപ്പല്‍ വൈ: ചെയര്‍മാന്‍ ) ഒ.പി.ഐ.റസാഖ് (മുനിസിപ്പല്‍ കൗണ്‍സിലര്‍) എന്‍.പി.മുഹമ്മദ് ഹാജി (നെരൂക്കില്‍ മഹല്ല് പ്രസിഡണ്ട്) ഒ.എം.അഷ്‌റഫ് ഹാജി ( മുണ്ടുപാറ മഹല്ല് സെക്രട്ടറി) എന്നിവര്‍ രക്ഷാധികാരികളായ കമ്മറ്റിയുടെ കണ്‍വീനര്‍ പി.ടി.മുഹമ്മദ് ഹാജിയും ട്രഷറര്‍ മുസ്തഫ മുണ്ടുപാറയുമാണ്. സംഭാവനകള്‍ അയക്കേണ്ട വിലാസം: കണ്‍വീനര്‍, ഹജൂറ ഷെറിന്‍ കരള്‍ മാറ്റിവെക്കല്‍ ഫണ്ട്, അക്കൗണ്ട് നമ്പര്‍:36204528716 SBI കൊടുവള്ളി .( IFSC: SBIN00014 42)

കൂടുതല്‍ വിവരങ്ങള്‍ക്ക് :9447447031, 9447275674