പറവൂര്‍: ഉപജില്ലാ സ്‌കൂള്‍ കലോത്സവത്തിന് നാളെ തിരശീല വീഴും. ഇന്നലെ വേദി ഒന്നിലും രണ്ടിലും നടന്ന മത്സരങ്ങള്‍ കാണാന്‍ നിറഞ്ഞ സദസായിരുന്നു. പ്രധാന വേദിയില്‍ യു.പി, ഹൈസ്‌കൂള്‍, ഹയര്‍ സെക്കന്‍ഡറി വിഭാഗം, മോഹനിയാട്ടം, കേരളനടനം, യു.പി, ഹൈസ്‌കൂള്‍, ഹയര്‍ സെക്കന്ററി വിഭാഗം സംഘനൃത്തം എന്നിവ നടന്നപ്പോള്‍ രണ്ടാം വേദിയില്‍ ഒപ്പന, വട്ടപ്പാട്, ദഫ്മുട്ട്, അറബനമുട്ട്, കോല്‍ക്കളി എന്നിവയുമാണ് മാറ്റുരച്ചത്.
ഇന്ന് രാവിലെ ഒന്‍പതിന് വേദി ഒന്നില്‍ യു.പി, ഹൈസ്‌കൂള്‍, ഹയര്‍ സെക്കന്ററി വിഭാഗം തിരുവാതിരക്കളി,വേദി രണ്ടില്‍ രാവിലെ 9 ന് ഹയര്‍ സെക്കന്‍ഡറി വിഭാഗം മൂകാഭിനയം,9.40 ന് യു.പി.വിഭാഗം നാടകം, 1050 ന് ഹയര്‍ സെക്കന്‍ഡറി വിഭാഗം സ്‌കിറ്റ് (ഇംഗ്ലീഷ് ) 11.20 ന് ഹൈസ്‌ക്കൂള്‍, ഹയര്‍ സെക്കന്ററി നാടകം, വേദി മുന്നില്‍ രാവിലെ 9 മുതല്‍ എല്‍.പി.യൂ.പി, ഹൈസ്‌കൂള്‍, ഹയര്‍ സെക്കന്ററി വിഭാഗം ആണ്‍കുട്ടികളുടെയും പെണ്‍ കട്ടികളുടെയും മാപ്പിളപ്പാട്ട്. വേദി നാലില്‍ ബാന്‍ഡ് മേളം, വൃന്ദവാദ്യം, വയലിന്‍, ഗിറ്റാര്‍, തബല, മൃദംഗം, ഗഞ്ചിറ,ഘടം, ജാസ്, വേദി അഞ്ചില്‍ വഞ്ചിപ്പാട്ട്, നാടന്‍പാട്ട് എന്നിവ നടക്കും.