ബാഗ്ദാദ്: ഇറാഖിലെ മൗസില്‍ ഐ.എസില്‍നിന്നു തിരിച്ചുപിടിക്കാനുള്ള പോരാട്ടം ശക്തമാകുന്നു. ഇതിനിടെ 900ത്തില്‍ അധികം ഐഎസ് ഭീകരരെ വധിച്ചതായി അമേരിക്കന്‍ കമാന്‍ഡ് ചീഫ് ജോസഫ് വോട്ടല്‍ അറിയിച്ചു.


ഇറാഖിലെ ഐ.എസിന്റെ അവസാന ശക്തികേന്ദ്രമായ മൗസില്‍ പിടിക്കാന്‍ കഴിഞ്ഞ ഒരാഴ്ച്ചയായി കനത്ത പോരാട്ടമാണ് നടക്കുന്നത്.


ഐ.എസിന്റെ ശക്തി ഗണ്യമായി കുറയ്ക്കാന്‍ കഴിഞ്ഞിട്ടുണ്ടെന്നാണ് അമേരിക്കയുടെ വിലയിരുത്തല്‍.


ബാഷിക്ക പിടിച്ചെടുത്തെങ്കിലും സൈന്യത്തിന് മൗസില്‍ പ്രവേശിക്കാനായിട്ടില്ലെന്നു കുര്‍ദ്ദ് തലവന്‍ പറഞ്ഞു.


അതിനിടെ ഐഎസിനെതിരായ പോരാട്ടത്തില്‍ ഇറാഖിനെ സഹകരിപ്പിക്കണമെന്ന് അമേരിക്കന്‍ പ്രസിഡന്റ് ബറാക്ക് ഒബാമ ഇറാഖ് പ്രസിഡന്‍ിനോട് ആവശ്യപ്പെട്ടു.


സൈനിക നടപടിയെ തുടര്‍ന്ന് ഈ മാസം മാത്രം ആയിരത്തിലേറെ പേരെ ഒഴിപ്പിക്കപ്പെട്ടതായാണ് റിപ്പോര്‍ട്ടുകള്‍.


നാലായിരം മുതല്‍ 8,000 വരെ ഐ.എസ് തീവ്രവാദികളാണ് മൗസിലിലുള്ളത്.