പെരുമ്പാവൂര്‍: ആല്‍ക്കഹോളിക് സ് അനോനിമസ് എന്ന സംഘടനയുമായി സഹകരിച്ച് ലഹരി ബോധവല്‍ക്കരണ പരിപാടികള്‍ സജീവമായി സംഘടിപ്പിക്കുവാന്‍ താലൂക്ക് ലൈബ്രറി കൗണ്‍സില്‍ തീരുമാനിച്ചു. ആല്‍ക്കഹോളിക് സ് അനോനിമസ് നടത്തുന്ന പ്രവര്‍ത്തനങ്ങള്‍ ജിബു വെങ്ങോല വിശദീകരിച്ചു. സംസ്ഥാന ലൈബ്രറി കൗണ്‍സില്‍ നേതൃത്വം നല്‍കുന്ന ഉണര്‍വ്വ് സാംസ്‌കാരികജാഥക്ക് നവംബര്‍ 20ന് പുല്ലുവഴിയില്‍ സ്വീകരണം നല്‍കും.
പി. ഗോവിന്ദപ്പിള്ള അനുസ്മരണ സമ്മേളനവും ഇതോടൊപ്പം സംഘടിപ്പിക്കും. പ്രസിഡന്റ് സാജു പോള്‍ അധ്യക്ഷത വഹിച്ച കൗണ്‍സില്‍ യോഗം ജില്ലാ സെക്രട്ടറി എം.ആര്‍ സുരേന്ദ്രന്‍ ഉദ്ഘാടനം ചെയ്തു. സംസ്ഥാന കൗണ്‍സില്‍ അംഗം പി.കെ. സോമന്‍, ജില്ലാ എക്‌സി. കമ്മറ്റി അംഗം എം.കെ. ബാലകൃഷ്ണന്‍, താലൂക്ക് സെക്രട്ടറി പി.ജി. സജീവ്, വൈസ് പ്രസിഡന്റ് ജോസ്.വി. ജേക്കബ്, താലൂക്ക് എക്‌സി. കമ്മറ്റി അംഗം ജി. ശശിധരന്‍ മുതലായവര്‍ പ്രസംഗിച്ചു.