തലശ്ശേരി: ബ്രണ്ണന്‍ കോളജ് മലയാള വിഭാഗം ആന്റ് ഗവേഷണ കേന്ദ്രത്തിന്റെ നേതൃത്വത്തില്‍ ത്രിദിന സെമിനാര്‍ നവംബര്‍ രണ്ടിനു തുടങ്ങും. തെന്നിന്ത്യന്‍ കഥ സാംസ്‌കാരിക വായനകള്‍ എന്ന വിഷയത്തില്‍ സെമിനാര്‍ രാവിലെ 9.30ന് ഡോ. എസ് ശാരദകുട്ടി ഉദ്ഘാടനം ചെയ്യും. എന്‍ പ്രഭാകരന്‍, പ്രൊഫ. എം ചന്ദ്രഭാനു, ഡോ. അനിത കല്യാടന്‍ സംസാരിക്കും. രണ്ടാം ദിനം തുളു സാഹിത്യകാരന്‍ രാധാകൃഷ്ണ ഉളിയത്തടുക്ക വിഷയം അവതരിപ്പിക്കും. വെള്ളിയാഴ്ച സമാപനത്തില്‍ നവ കഥയുടെ രാഷ്ട്രീയം, എഴുത്തുകാര്‍ക്കൊപ്പം തുടങ്ങിയ വിഷയങ്ങളില്‍ സെമിനാര്‍ നടക്കും.