കണ്ണൂര്‍: കേരള സ്റ്റേറ്റ് സൈക്ലിങ് അസോസിയേഷന്റെ ആഭിമുഖ്യത്തില്‍ സംസ്ഥാന റോഡ് സൈക്ലിങ് ചാംപ്യന്‍ഷിപ്പ് ഇന്നും നാളെയും പൈസക്കരി ദേവമാത സ്‌കൂള്‍ പരിസരത്ത് നടക്കും. 14 ജില്ലകളില്‍ നിന്നായി ദേശീയ, അന്തര്‍ദേശീയ താരങ്ങള്‍ ഉള്‍പ്പെടെ 300ല്‍ പരം പുരുഷ വനിതാ കായികതാരങ്ങള്‍ പങ്കെടുക്കും. ഇന്ന് ഉച്ചയ്ക്കു രണ്ടിന് മന്ത്രി കടന്നപ്പള്ളി രാമചന്ദ്രന്‍ ഉദ്ഘാടനം ചെയ്യും. കെ.സി ജോസഫ് എം.എല്‍.എ മുഖ്യാതിഥിയാകും. ജില്ലാ സൈക്ലിങ് അസോസിയേഷന്‍ പ്രസിഡന്റ് പി.പി വിനോദ് അധ്യക്ഷനാകും. നാളെ രാവിലെ 11ന് സമാപനത്തില്‍ ജില്ലാ പഞ്ചായത്ത് പ്രസിഡന്റ് കെ.വി സുമേഷ് ട്രോഫികള്‍ വിതരണം ചെയ്യും. സ്‌പോര്‍ട്‌സ് കൗണ്‍സില്‍ ജില്ലാ പ്രസിഡന്റ് ഒ.കെ വിനീഷ് മുഖ്യാതിഥിയാകും.