കഠിനംകുളം: അരശുമൂടും കരിയിലും പ്രിയദര്‍ശിനി നഗറിലും തെരുവ് നായ്ക്കളുടെ ആക്രമണത്തില്‍ പത്തുകോഴികളെയും ആടിനെയും കൊന്നുതിന്നുകയും യുവാവിന്റെ കൈയ്ക്ക് കടിക്കുകയും ചെയ്തു.
കൂട്ടമായി എത്തിയ തെരുവ് നായ്ക്കള്‍ വീടിന്റെ മതില്‍ ചാടികടന്നാണ് അരശുമൂട് ശ്രീസായില്‍ രാധാകൃഷ്ണന്റെ മുപ്പത് കോഴികളില്‍ പത്തെണ്ണത്തിനെ പിടിച്ചുകൊണ്ടുപോയി കൊന്നത്.
ഇന്നലെ രാവിലെ വീട്ടുകാര്‍ കോഴികൂട് തുറന്നപ്പോഴാണ് സമീപത്തെ പുരയിടത്തില്‍ കിടന്ന ഒരു കൂട്ടം പട്ടികള്‍ മതില്‍ ചാടിയെത്തി കോഴികളെ കടിച്ചു ഓടിയത്. വീട്ടുകാര്‍ ബഹളമുണ്ടാക്കിയെ
ങ്കിലും ഒന്നിനെ പോലും തിരിച്ചുകിട്ടിയില്ല. സമീപത്ത് കാടുകയറി കിടക്കുന്ന സ്ഥലത്ത് നിന്നാണ് പട്ടികള്‍ കൂട്ടമായി എത്തിയത്.
കരിയില്‍ സ്വദേശി സജിയുടെ ആടിനെയാണ് കഴിഞ്ഞദിവസം ഉച്ചയോടെ ഒരുസംഘം നായകള്‍ കടിച്ചുകൊന്നത്. ഇതിനുശേഷം വൈകീട്ടോടെ വീടിന്റെ മുന്‍വശത്ത് നില്‍ക്കുകയായിരുന്ന കരിയില്‍പ്രിയദര്‍ശിനി നഗറില്‍ സന്തോഷിന്റെ കൈയ്ക്ക് കടിച്ചു.