മൂന്നാര്‍: മൂന്നാര്‍ കോളനിയിലും ഇക്കാനഗറിലും സ്വര്‍ണ്ണാഭരണവും പണവും കവര്‍ന്ന മോഷ്ടാക്കളെ കണ്ടെത്താന്‍ പൊലിസിനായില്ല.
മോഷണം നടന്ന് ദിവസങ്ങള്‍ പിന്നിടുമ്പോഴും പ്രതികളെപ്പറ്റിയുള്ള സൂചനപോലും ലഭിക്കാതെ പൊലിസ് ഇരുട്ടില്‍ തപ്പുകയാണ്. മൂന്നാര്‍ കോളനിയിലെ രണ്ടുവീടുകളിലായി 30 പവന്‍ സ്വര്‍ണ്ണവും 20000 രൂപയും കവര്‍ന്ന മോഷ്ടാക്കള്‍ തൊട്ടടുത്ത ഇക്കാനഗറില്‍ നിന്നും 6 പവന്‍ സ്വര്‍ണവും 13000 രൂപയും തട്ടിയെടുത്തു. വിരളടയാള വിതഗ്ദരും പൊലിസ് നായയും ദിവസങ്ങളായി പരിശോധ നടത്തിയെങ്കിലും മോഷ്ടാക്കളെ കണ്ടെത്താന്‍ സാധിച്ചിട്ടില്ല.
മൂന്നാര്‍ കോളനികള്‍ കേന്ദ്രീകരിച്ച് പൊലിസ് പരിശോധനകള്‍ കര്‍ശനമാക്കിയിട്ടുണ്ട്. മൂന്നാര്‍ സിഐ ശ്യാംജോസിന്റെ നേത്യത്വത്തിലുള്ള പ്രത്യേക സംഘം കോളനികളില്‍ താമസിച്ച് പ്രതികള്‍ക്കായി തിരച്ചില്‍ തുടരുകയാണ്.