പയ്യാവൂര്‍: സംസ്ഥാന റോഡ് സൈക്ലിങ് ചാംപ്യന്‍ഷിപ്പ് പൈസക്കരി ദേവമാതാ ആര്‍ട്‌സ് ആന്റ് സയന്‍സ് കോളജ് പരിസരത്ത് മന്ത്രി കടന്നപ്പള്ളി രാമചന്ദ്രന്‍ ഉദ്ഘാടനം ചെയ്തു. ജില്ലാ സൈക്ലിങ് അസോസിയേഷന്‍ പ്രസിഡന്റ് പി.പി വിനോദ് അധ്യക്ഷനായി. കെ.സി ജോസഫ് എം.എല്‍.എ മുഖ്യപ്രഭാഷണം നടത്തി. ഫാ. ഡോ. ജോസ് വെട്ടിക്കല്‍, എസ്.എസ് സുധീഷ് കുമാര്‍, ഡെയ്‌സി ചിറ്റൂപറമ്പില്‍, ജോളി കാട്ടുവിള, എ ബിനോയ്, കെ ശാന്തകുമാര്‍, വി.പി പവിത്രന്‍, പി.എം കൃഷ്ണന്‍, എന്‍.പി ജോസഫ് സംസാരിച്ചു. ആറിനങ്ങളിലായി മത്സരങ്ങള്‍ പൂര്‍ത്തിയായപ്പോള്‍ കോട്ടയം ജില്ല രണ്ട് സ്വര്‍ണമടക്കം ഒന്നാം സ്ഥാനത്താണ്. ചാംപ്യന്‍ഷിപ്പ് ഇന്ന് സമാപിക്കും