കൊച്ചി: ഒന്‍പതാമത് സൂര്യ ഫെസ്റ്റിവല്‍ ഫൈന്‍ ആര്‍ട്‌സ് ഹാളില്‍ നവംബര്‍ രണ്ടിന് ആരംഭിക്കും. വൈകീട്ട് 6.15 ന് നടക്കുന്ന ഉദ്ഘാടന ചടങ്ങില്‍ സംഗീത വിദ്വാന്‍ പ്രൊഫസര്‍ കുമാര കേരള വര്‍മ്മയെ ആദരിക്കും. നവംബര്‍ ആറ് വരെയുള്ള ദിവസങ്ങളില്‍ വൈകീട്ട് 6.30 ന് കലാപരിപാടികള്‍ നടക്കും. നവംബര്‍ മൂന്നിന് ശ്രീലത വിനോദും അഥിന മധുവും അവതരിപ്പിക്കുന്ന ഭരതനാട്യം, നാലിന് ലാവണ്യ അനന്ത് അവതരിപ്പിക്കുന്ന ഭരതനാട്യം, അഞ്ചിന് വിദ്യാസുബ്രഹ്മണ്യനും സംഘവും അവതരിപ്പിക്കുന്ന ഭരതനാട്യം, ആറിന് പാരീസ് ലക്ഷ്മിയും പള്ളിപ്പുറം സുനിലും അവതരിപ്പിക്കുന്ന ഭരതനാട്യവും കളകളിയും അരങ്ങേറും.