കോയമ്പത്തൂര്‍:ട്രെയിന്‍ കമ്പാര്‍ട്ടുമെന്റില്‍ പുരുഷന്റെ വലതുകൈ കണ്ടെത്തി. ചെന്നൈ-കോയമ്പത്തൂര്‍ ചേരന്‍ എക്‌സ്പ്രസിലെ ബോഗിയിലാണ് കൈ മുറിച്ചിട്ട നിലയില്‍ കണ്ടെത്തിയത്. ശുചീകരണ തൊഴിലാളികളാണ് കൈ കണ്ടെത്തിയതെന്ന് പൊലിസ് അറിയിച്ചു.
തൊഴിലാളികള്‍ ട്രെയിനിന്റെ ബോഗികള്‍ ശുചീകരിച്ചുകൊണ്ടിരിക്കെ മൂന്നാമത്തെ ബോഗിയിലാണ് കൈ കണ്ടത്. ഉടന്‍തന്നെ സ്റ്റേഷന്‍ മാസ്റ്ററെ അറിയിച്ചു. വിവരമറിഞ്ഞ് റെയില്‍വേ പൊലിസും സ്ഥലത്തെത്തി.  പൊലിസ് അന്വേഷണം ആരംഭിച്ചിട്ടുണ്ട്.