കാസര്‍കോട്:അഖിലേന്ത്യാ ജനാധിപത്യ മഹിളാ അസോസിയേഷന്‍ സംസ്ഥാന സമ്മേളനം നവംബര്‍ രണ്ടു മുതല്‍ നാലുവരെ കാഞ്ഞങ്ങാട് നടക്കും. രണ്ടിനു രാവിലെ 10 മണിക്ക് ആകാശ് ഓഡിറ്റോറിയത്തില്‍ പ്രതിനിധി സമ്മേളനം സുഭാഷിണി അലി ഉദ്ഘാടനം ചെയ്യും. വൈകുന്നേരം നാലു മണിക്കു സാംസ്‌കാരിക സമ്മേളനം എം. മുകുന്ദന്‍ ഉദ്ഘാടനം ചെയ്യും. അസോസിയേഷന്‍ പഴയകാല പ്രവര്‍ത്തക ദേവയാനിയുടെ പേരില്‍ ഏര്‍പ്പെടുത്തിയ അവാര്‍ഡ് പി.കെ മേദിനിക്ക് എം. മുകുന്ദന്‍ സമ്മാനിക്കും.
നാലിനു വൈകുന്നേരം പൊതുസമ്മേളനം മുഖ്യമന്ത്രി പിണറായി വിജയന്‍ ഉദ്ഘാടനം ചെയ്യും.  പ്രകടനത്തില്‍  കാല്‍ലക്ഷം പേര്‍ പങ്കെടുക്കും.
4871120 അംഗങ്ങളെ പ്രതിനിധീകരിച്ച് 14 ജില്ലകളില്‍ നിന്നായി 600 പ്രതിനിധികള്‍ പങ്കെടുക്കുമെന്ന് സംഘാടക സമിതി വ്യക്തമാക്കി.
സമ്മേളന നടത്തിപ്പിനുള്ള ഒരുക്കങ്ങള്‍  പൂര്‍ത്തിയായതായി സംഘാടക സമിതി ചെയര്‍മാന്‍ പി.കരുണാകരന്‍ എം.പി. മഹിളാ അസോസിയേഷന്‍ സംസ്ഥാന സെക്രട്ടറി അഡ്വ.പി സതീദേവി, ജനറല്‍ കണ്‍വീനര്‍ ഇ പത്മാവതി തുടങ്ങിയവര്‍ അറിയിച്ചു.