കണ്ണൂര്‍: ഗവ.ടീച്ചര്‍ ട്രെയിനിങ് ഇന്‍സ്റ്റിറ്റ്യൂട്ടില്‍ ആരംഭിച്ച മോഹന്‍ ചാലാട് മെമ്മോറിയല്‍ ആര്‍ട് ഗാലറി മന്ത്രി പ്രൊഫ. സി രവീന്ദ്രനാഥ് ഉദ്ഘാടനം ചെയ്തു. മോഹന്‍ ചാലാടിന്റെ 24 ചിത്രങ്ങളുടെ പ്രദര്‍ശനമാണ് ഗാലറിയില്‍ ആരംഭിച്ചിരിക്കുന്നത്. വരുന്ന ഒരാഴ്ചയോളം പ്രദര്‍ശനം പൊതുജനങ്ങള്‍ക്കു കാണാം. ചടങ്ങില്‍ മന്ത്രി കടന്നപ്പള്ളി രാമചന്ദ്രന്‍ അധ്യക്ഷനായി. പി.കെ ശ്രീമതി എം.പി മുഖ്യാതിഥിയായി. പ്രിന്‍സിപ്പല്‍ പി.ആര്‍ വസന്ത് കുമാര്‍, കോര്‍പറേഷന്‍ കൗണ്‍സിലര്‍ ഇ ബീന, ഡി.ഡി.ഇ എം ബാബുരാജ്, ഡയറ്റ് പ്രിന്‍സിപ്പല്‍ സി.എന്‍ ബാലകൃഷ്ണന്‍, പ്രസ് ക്ലബ്ബ് പ്രസിഡന്റ് കെ.ടി ശശി, വര്‍ഗീസ് കളത്തില്‍, ഹരീന്ദ്രന്‍ ചാലാട്, പി.ടിഎ പ്രസിഡന്റ് സീലിയ സിമിയത്ത്, സതീഷ് തോപ്രത്ത്, സി. മോഹന്‍ സംസാരിച്ചു.