മൂവാറ്റുപുഴ: പായിപ്ര ഗ്രാമപഞ്ചായത്ത് നാലാം വാര്‍ഡില്‍ പ്രവര്‍ത്തിക്കുന്ന എം.ബി.എസ് നാളികേര ഉല്‍പ്പാദക സംഘത്തിന്റെ ഓഫിസിന്റെ ജനല്‍ ചില്ലുകള്‍ കഴിഞ്ഞരാത്രി സാമൂഹിക വിരുദ്ധര്‍ തകര്‍ത്തു.
മുളവൂര്‍ വടമുക്ക് പാലത്തിന് സമീപം പ്രവര്‍ത്തിക്കുന്ന ഓഫിസിന്റെ ജനല്‍ ചില്ലുകള്‍ കല്ലിന് എറിഞ്ഞ് തകര്‍ത്ത നിലയിലാണ്. ഇവിടെ സ്ട്രീറ്റ് ലൈറ്റുകള്‍ ഇല്ലാത്തതും സാമൂഹ്യവിരുദ്ധര്‍ക്ക് സഹായകരമാകുകയാണ്. സംഘം ഭാരവാഹികള്‍ മൂവാറ്റുപുഴ പോലീസില്‍ പരാതി നല്‍കി.