ശ്രീനഗര്‍: അതിര്‍ത്തിയില്‍ പാകിസ്താന്‍ സൈന്യത്തിന്റെ വെടിവെപ്പില്‍ രണ്ട് കുട്ടികള്‍ ഉള്‍പ്പെടെ ഏഴ് പേര്‍ കൊല്ലപ്പെട്ടു. കൊല്ലപ്പെട്ടവരില്‍ മൂന്ന് പേര്‍ സ്ത്രീകളാണ്. എട്ടു പേര്‍ക്ക് ഗുരുതരമായി പരുക്കേറ്റു. സാമ്പാ ജില്ലയിലും പൂഞ്ചിലെ ബലകോട്ടെ മേഖലയിലും ശക്തമായ മോര്‍ട്ടാര്‍ ഷെല്ലിങാണ് പാക് റേഞ്ചേഴ്‌സിന്റെ ഭാഗത്ത് നിന്നും ഉണ്ടാവുന്നത്.

സാമ്പയിലെ ജനവാസ കേന്ദ്രമായ രാംഗര്‍ മേഖലയിലാണ് അഞ്ച് പേര്‍ കൊല്ലപ്പെട്ടത്. ഇന്ന് പുലര്‍ച്ചെ സാംബ ജില്ലയിലെ റാംഗ്ര സെക്ടറില്‍ നടന്ന ആക്രമണത്തില്‍ 19 വയസായ പെണ്‍കുട്ടി കൊല്ലപ്പെട്ടിരുന്നു. നൗഷേറ, രജൗറി, അര്‍ണിയ എന്നിവിടങ്ങളിലും പാക് സൈന്യം വെടിനിര്‍ത്തല്‍ ലംഘിച്ചു. ഇന്ത്യന്‍ സൈന്യം ശക്തമായി തിരിച്ചടിക്കുന്നുണ്ട്.