പരപ്പനങ്ങാടി: സമസ്ത സംഘടിപ്പിക്കുന്ന ശരീഅത്ത് സംരക്ഷണ റാലിക്കു മലപ്പുറം വെസ്റ്റ് ജില്ലയില്‍നിന്ന് ആറായിരം മുഅല്ലിംകളെ പങ്കെടുപ്പിക്കാന്‍ എസ്.കെ.ജെ.എം വെസ്റ്റ് ജില്ലാ കണ്‍വന്‍ഷന്‍ തീരുമാനിച്ചു. പ്രചാരണ ഭാഗമായി റെയ്ഞ്ച് തലങ്ങളിലും മദ്‌റസാ തലങ്ങളിലും വിവിധ പരിപാടികള്‍ നടത്തി.
പുറങ്ങ് മൊയിതീന്‍ മുസ്‌ലിയാര്‍ അധ്യക്ഷനായി.
അബ്ദുല്‍ഖാദര്‍ അല്‍ ഖാസിമി, എന്‍.ടി.എം കുട്ടി മൗലവി, കെ.എം.എ റസാഖ് മൗലവി, സയ്യിദ് മുഈനുദ്ദീന്‍ ജിഫ്രി, റഷീദ് മൗലവി ചേളാരി, സലാം ദാരിമി ചെമ്മാട്, ഹൈദര്‍ മുസ്‌ലിയാര്‍ തിരൂരങ്ങാടി, ലുഖ്മാന്‍ ഫൈസി, കെ.പി.എ റസാഖ് ഫൈസി ആലിങ്ങല്‍, നൗഷാദ് ചെട്ടിപ്പടി സംസാരിച്ചു.

തിരൂരങ്ങാടിയില്‍നിന്ന് പതിനായിരം പേര്‍

പരപ്പനങ്ങാടി: ഏക സിവില്‍ക്കോഡിനെതിരേ മലപ്പുറത്തു സമസ്ത സംഘടിപ്പിക്കുന്ന ശരീഅത്ത് സംരക്ഷണ റാലിയില്‍ തിരൂരങ്ങാടി മണ്ഡലത്തില്‍നിന്നു പതിനായിരം പേര്‍ പങ്കെടുക്കും. പ്രചാരണാര്‍ഥം സമസ്ത മണ്ഡലം കോഡിനേഷന്‍ കമ്മിറ്റിയുടെ ആഭിമുഖ്യത്തില്‍ നാളെ വാഹന പ്രചാരണ ജാഥ നടത്തും.
യോഗത്തില്‍ സി.എച്ച് ത്വയ്യിബ് ഫൈസി അധ്യക്ഷനായി. യു. ശാഫിഹാജി ചെമ്മാട്, അബ്ദുല്‍ഖാദര്‍ അല്‍ ഖാസിമി, ഇസ്ഹാഖ് ബാഖവി ചെമ്മാട്, സയ്യിദ് കുഞ്ഞിമോന്‍ തങ്ങള്‍ കക്കാട്, സലാം ദാരിമി ചെമ്മാട്, എന്‍. കുഞ്ഞിപ്പോക്കര്‍ അട്ടക്കുഴിങ്ങര, മാനു മുസ്‌ലിയാര്‍ പെരുമണ്ണ, ഹംസഹാജി മൂന്നിയൂര്‍, നൗഷാദ് ചെട്ടിപ്പടി സംസാരിച്ചു.

ശരീഅത്ത് സംരക്ഷണ റാലി: വെസ്റ്റ് ജില്ലയില്‍നിന്ന് ആറായിരം മുഅല്ലിംകള്‍ പങ്കെടുക്കും

എ.ആര്‍ നഗര്‍: ജില്ല സമസ്ത കോഡിനേഷന്‍ കമ്മിറ്റി നാലിനു നടത്തുന്ന ശരീഅത്ത് സംരക്ഷണ റാലിയില്‍ രണ്ടായിരം പേരെ പങ്കെടുപ്പിക്കുവാനും മൂന്നിനു നടക്കുന്ന വാഹനജാഥക്കു പഞ്ചായത്തില്‍ നാലു കേന്ദ്രങ്ങളില്‍ സ്വീകരണം നല്‍കുവാനും ഏ.ആര്‍ നഗര്‍ പഞ്ചായത്ത് സമസ്ത കോഡിനേഷന്‍ കമ്മിറ്റി തീരുമാനിച്ചു.
കെ.കെ ആറ്റക്കോയ തങ്ങള്‍ അധ്യക്ഷനായി. സാലിം ഫൈസി, സി.ആലി മുസ്‌ലിയാര്‍, അനസ് ദാരിമി, ഒ.സി ഹനീഫ, എം.കെ കുഞ്ഞിമൊയ്തീന്‍ കുട്ടി മാസ്റ്റര്‍, എം.അബ്ദുഹാജി, കാടേങ്ങല്‍ ഇബ്രാഹീം മുസ്‌ലിയാര്‍, കെ.കെ മൂസ പ്രസംഗിച്ചു.