പെരുമ്പാവൂര്‍: സോമില്‍ ഓണേഴ്‌സ് ആന്റ് പ്ലൈവുഡ് മാനുഫാക്‌ചേഴ്‌സ് അസോസിയേഷന്‍ കഴിഞ്ഞ എസ്.എസ്.എല്‍.സി, പ്ലസ്ടു ക്ലാസുകളില്‍ എല്ലാ വിഷയങ്ങള്‍ക്കും എപ്ലസ് ലഭിച്ച വിദ്യാര്‍ഥികള്‍ക്ക് അസോസിയേഷന്റെ വക ട്രോഫിയും ക്യാഷ് അവാര്‍ഡും വിതരണം ചെയ്തു. പ്രസിഡന്റ് എം.എം മുജീബ് റഹ്മാന്റെ അധ്യക്ഷതയില്‍ കൂടിയ അനുമോദന യോഗത്തില്‍ അവാര്‍ഡ് ദാനം അഡ്വ.എല്‍ദോസ് കുന്നപ്പിള്ളി എം.എല്‍.എ നിര്‍വഹിച്ചു. ട്രഷറര്‍ ബാബു സെയ്താലി, അസോസിയേഷന്‍ വൈസ് പ്രസിഡന്റ് വി.എ പരീത്, ജോയിന്റ് സെക്രട്ടറിമാരായ കെ.എന്‍ മോഹനന്‍, പി.എച്ച് ഖാലിദ് കമ്മറ്റി അംഗങ്ങളായ കെ.കെ സുലൈമാന്‍, പി.എം കബീര്‍, കെ.വി സലീം എന്നിവര്‍ പങ്കെടുത്തു.