കല്‍പ്പറ്റ: ഏക സിവില്‍കോഡ് നടപ്പാക്കാനുള്ള കേന്ദ്ര സര്‍ക്കാര്‍ നീക്കത്തിനെതിരേ മുസ്‌ലിം പേഴ്‌സനല്‍ ലോ ബോര്‍ഡ് നടത്തുന്ന ഒപ്പ് ശേഖരണം വന്‍ വിജയമാക്കാന്‍ മേഖല, ക്ലസ്റ്റര്‍, ശാഖ പ്രവര്‍ത്തകര്‍ രംഗത്തിറങ്ങണമെന്ന് എസ്.കെ.എസ്.എസ്.എഫ് ജില്ലാ കമ്മിറ്റി അറിയിച്ചു. വെള്ളിയാഴ്ച പള്ളികളിലും വീടുകള്‍ സന്ദര്‍ശിച്ചും ഒപ്പു ശേഖരണം നടത്തി മേഖലാ കമ്മിറ്റികള്‍ ജില്ലാ കമ്മിറ്റിയെ ഏല്‍പ്പിക്കണം.പ്രസിഡന്റ് ശൗക്കത്തലി വെള്ളമുണ്ട അധ്യക്ഷനായി. അബൂബക്കര്‍ റഹ്മാനി, നൗഫല്‍ വാകേരി, അലി യമാനി, നവാസ് ദാരിമി, സാജിദ് മൗലവി, അലി കൂളിവയല്‍, മൊയ്തുട്ടി ദാരിമി, മൊയ്തുട്ടി യമാനി, ശിഹാബ് റിപ്പണ്‍, മുസ്തഫ വെണ്ണിയോട് എന്നിവര്‍ സംസാരിച്ചു. ജനറല്‍ സെക്രട്ടറി അയൂബ് മാസ്റ്റര്‍ സ്വാഗതവും വര്‍ക്കിങ് സെക്രട്ടറി അബ്ദുല്‍ ലത്തീഫ് വാഫി നന്ദിയും പറഞ്ഞു.