വളാഞ്ചേരി: പാലം അറ്റകുറ്റപ്പണി നടക്കുന്നതിനാല്‍ ഗതാഗതം തടസപ്പെട്ടു. കുറ്റിപ്പുറം പാലത്തിലാണ് മുന്നറിയിപ്പില്ലാതെ താല്‍ക്കാലിക അറ്റകുറ്റപ്പണി നടന്നത്. ഇതു ദേശീയപാതയില്‍ ഗതാഗതക്കുരുക്കിനു കാരണമായി. കാലങ്ങളായി തകര്‍ന്നുകിടക്കുന്ന പാലത്തിന്റെ ഉപരിതലമാണ് മുന്നറിയിപ്പില്ലാതെ അറ്റകുറ്റപ്പണി നടത്തിയത്.
മണിക്കൂറുകളോളം പ്രവൃത്തി തുടര്‍ന്നപ്പോള്‍ ദേശീയപാതയില്‍ ഗതാഗതം സ്തംഭിക്കുകയായിരുന്നു. വലിയ വാഹനങ്ങളടക്കം നൂറു കണക്കിനു വാഹനങ്ങള്‍ പാലം കടക്കാന്‍ ഊഴം കാത്തുകിടന്നു. ഒറ്റപ്പെട്ട പ്രതിഷേധങ്ങളും അരങ്ങേറി.