കോഴിക്കോട്: ദേവഗിരി സി.എം.ഐ പബ്ലിക് സ്‌കൂളിലെ ആറാം ക്ലാസ് വിദ്യാര്‍ഥിനിയായ ബാലഗായിക സ്റ്റാര്‍ സിങ്ങര്‍ ശ്രേയയെ അധ്യാപക-രക്ഷാകര്‍തൃ സമിതിയും ഓറിയന്റല്‍ എജ്യുക്കേഷന്‍ ട്രസ്റ്റ് മലബാര്‍ ഹോസ്പിറ്റല്‍, കാലിക്കറ്റ് സില്‍ക്ക്‌സ് എന്നിവയുമായി സഹകരിച്ച് നടത്തിയ 'ശ്രേയം 2016' പരിപാടിയില്‍ ആദരിച്ചു. സ്‌കൂള്‍ പ്രിന്‍സിപ്പല്‍ ഫാദര്‍ ജോണി മാത്യു അധ്യക്ഷനായി.
സംഗീതസംവിധായകന്‍ എം. ജയചന്ദ്രന്‍ മുഖ്യാതിഥിയായി. ഗായകന്‍ കോഴിക്കോട് സതീഷ് ബാബു, മലബാര്‍ ഹോസ്പിറ്റല്‍ എം.ഡി ഡോ. പി.എ ലളിത, ഓറിയന്റല്‍ എജ്യുക്കേഷന്‍ എം.ഡി എന്‍.കെ മുഹമ്മദ്, കാലിക്കറ്റ് സില്‍ക്ക്‌സ് ചെയര്‍മാന്‍ പി.പി മുകുന്ദന്‍, ഫാ. ഡോ. ബിജു ജോണ്‍, പി.ടി.എ പ്രസിഡന്റ് എന്‍. രാജേഷ് പങ്കെടുത്തു. 2015 ലെ ചലച്ചിത്ര അവാര്‍ഡ് ജൂറി പരാമര്‍ശവും 2016 ലെ മൂവി അവാര്‍ഡ് ഉള്‍പ്പെടെ ആറോളം പുരസ്‌കാരങ്ങള്‍ നേടിയ ശ്രേയ ഇതിനകം ഇരുപതു സിനിമകളിലും നൂറോളം ആല്‍ബങ്ങളിലും പാടിയിട്ടുണ്ട്.