അങ്കമാലി: അങ്കമാലി പട്ടണത്തില്‍ ഏറെ തിരക്കേറിയ പഴയ മാര്‍ക്കറ്റ് റോഡില്‍ ഏറേ തിരക്കേറിയ വൈകിട്ടോടെ വടിവാള്‍ ആക്രമണം നടന്നതോടെ ഈ പ്രേദേശത്തെ കച്ചവടക്കാരും നാട്ടുകാരും ഭീതിയില്‍. ഏറെ തിരക്കനുഭവപ്പെടുന്ന സമയങ്ങളില്‍ ഉണ്ടാകുന്ന പരസ്യമായ ഏറ്റുമുട്ടലുകളാണു നാട്ടുകാരിലും കച്ചവടക്കാരിലും ഭീതിയുണര്‍ത്തുന്നതിനു കാരണമായിട്ടുള്ളത് ഏറേ തിരക്കുള്ള സമയത്ത് ആക്രമണം നടന്നതുമൂലം ഈ പ്രദേശത്തെ കച്ചവട സ്ഥാപനങ്ങളിലെ ബിസിനസിനെയും ബാധിച്ചിട്ടുണ്ട്.
ബുധനാഴ്ച്ച വൈകീട്ട് ആറരയോടെ ഒട്ടേറെയാളുകള്‍ കടന്നു പോകുന്നതും തിരക്കേറിയ ഇടവുമായ പഴയ മാര്‍ക്കറ്റ് റോഡില്‍ വച്ച് നടന്ന വടിവാള്‍ ആക്രമണത്തില്‍ കിടങ്ങൂര്‍ വയലോലി പറമ്പില്‍ വീട്ടില്‍ ആഷിക് (24), കിടങ്ങൂര്‍ പൈനാടത്ത് വീട്ടില്‍ ആല്‍വിന്‍ (21) എന്നിവര്‍ക്കു പരുക്കേറ്റു. മാര്‍ട്ടിന്‍ എന്നയാളാണു വടിവാളുകൊണ്ട് വെട്ടിയ തെന്ന് പൊലിസ് പറഞ്ഞു നേരത്തേ നടന്നിട്ടുള്ള കൊലപാതക ശ്രമക്കേസിലെ പ്രതി കൂടിയാണു മാര്‍ട്ടിന്‍ തന്റെ വീടിന്റെ ജനാല്‍ ചില്ലുകള്‍ തല്ലിതകര്‍ത്തതിലെ പുര്‍വ വൈരാഗ്യമാണു സംഭവത്തിനു പിന്നിലെന്ന് പൊലിസ് പറയുന്നു. എന്നാല്‍ ഗുണ്ടാസംഘങ്ങള്‍ തമ്മിലുള്ള വാശികളാണ് ഇത്തരം സംഘട്ടനങ്ങള്‍ക്കു പിന്നില്‍ കൈപ്പത്തിക്കു വെട്ടേറ്റ ആഷിക് നാലു കേസുകളിലെ പ്രതിയാണ്.
കഞ്ചാവു മയക്കുമരുന്ന് കച്ചവടങ്ങളിലൂടെയാണ് ഇത്തരം സംഘങ്ങള്‍ അങ്കമാലിയില്‍ വളര്‍ന്നു വരുന്നത്. മുന്‍കാലങ്ങളില്‍ 30നും 40നും ഇടയില്‍പ്പെട്ടവരായിരുന്നു ഇത്തരം സംഘങ്ങളിലെങ്കില്‍ ഇപ്പോള്‍ പ്രായപൂര്‍ത്തിയാകാത്തവരും കൗമാരക്കാരുമാണ് ഇത്തരം സംഘങ്ങളിലധികവും. അങ്കമാലിയിലെയും സമീപ പ്രദേശങ്ങളിലെയും കഞ്ചാവു മയക്കുമരുന്നു കച്ചവടങ്ങള്‍ക്കു സൗകര്യമൊരുക്കിക്കൊടുക്കുകയാണ് ആദ്യപടി. ഇതില്‍ നിന്നും ലഭിക്കുന്ന പണം കൊണ്ട് ആര്‍ഭാട ജീവിതം നയിക്കുകയാണിവര്‍ ചെയ്യുന്നത്. കൂടാതെ ഒട്ടേറെ പേര്‍ കഞ്ചാവിനും മയക്കുമരുന്നിനും അടിമകളുമായിത്തീരുന്നു.
കഞ്ചാവുമയക്കുമരുന്നു മൊത്ത വിതരണക്കാരില്‍ നിന്നും ചില്ലറ വില്‍പനക്കാരില്‍ നിന്നും വ്യത്യസ്ത ഗ്രൂപ്പുകള്‍ കമ്മിഷന്‍ ചോദിക്കുമ്പോഴാണു തര്‍ക്കവും പിന്നീട് ആക്രമണങ്ങളുമായി തീരുന്നത്. പ്രായപൂര്‍ത്തിയാകാത്ത കുട്ടികളെ വച്ചാണ് ഓപ്പറേഷന്‍ നടത്തുന്നത്.