നിലമ്പൂര്‍: രാഹുല്‍ ഗാന്ധിയെ അറസ്റ്റ് ചെയ്ത നടപടിയില്‍ പ്രതിഷേധിച്ച് യൂത്ത് കോണ്‍ഗ്രസ് പ്രവര്‍ത്തകര്‍ നിലമ്പൂരില്‍ പ്രകടനം നടത്തി. മുനിസിപ്പല്‍ കമ്മിറ്റിയുടെ നേതൃത്വത്തില്‍ നടന്ന പ്രകടനത്തിന് ശേഷം സമ്മേളനം കെ.എസ്.യു മുന്‍ സംസ്ഥാന പ്രസിഡന്റ് വി.എസ് ജോയ് ഉദ്ഘാടനം ചെയ്തു.
യൂത്ത് കോണ്‍ഗ്രസ് മുനിപ്പല്‍ കമ്മിറ്റി പ്രസിഡന്റ് ഷാജഹാന്‍ പായമ്പാടം അധ്യക്ഷനായി. യൂത്ത് കോണ്‍ഗ്രസ് നിയോജക മണ്ഡലം വൈസ് പ്രസിഡന്റ് അനീഷ് കാറ്റാടി, പാലൊളി മെഹബൂബ് സംസാരിച്ചു. പ്രകടനത്തിന് യൂസഫ് കാളിമഠത്തില്‍, മൂര്‍ഖന്‍ മാനു, ടി.ഇ ഫജീഷ്, ഷിബു പാടിക്കുന്ന് നേതൃത്വം നല്‍കി.