എടപ്പാള്‍: പഞ്ചായത്തില്‍ എട്ടാം വാര്‍ഡില്‍ നടപ്പാക്കുന്ന 'എന്റെ വീട്ടിലും പച്ചക്കറിത്തോട്ടം' പദ്ധതിയുടെ രണ്ടാംഘട്ടത്തിനു തുടക്കമായി.
     വാര്‍ഡിലെ മുഴുവന്‍ വീടുകളിലും വിഷരഹിത പച്ചക്കറി ഉല്‍പാദിപ്പിക്കുക എന്ന ലക്ഷ്യത്തോടെ വാര്‍ഡംഗം വി.കെ.എ മജീദ് തന്റെ പഞ്ചായത്തില്‍നിന്നുള്ള പ്രതിഫലം ഉപയോഗിച്ചാണ് പദ്ധതിക്കു തുടക്കമിട്ടത്. പദ്ധതിയുടെ ഉദ്ഘാടനം പാണക്കാട് ഹമീദലി ശിഹാബ് തങ്ങള്‍ നിര്‍വഹിച്ചു.
വി.കെ.എ മജീദ് അധ്യക്ഷനായി. സി. രവീന്ദ്രന്‍, ബുഷ്‌റ ജലീല്‍, രാധാമണി, റഫീഖ് പിലാക്കല്‍, ഷറഫു എടപ്പാള്‍, ടി. ഫാസില്‍, മുഹമ്മദ്കുട്ടി സംസാരിച്ചു. ഒന്നാംഘട്ടത്തില്‍ നല്ലരീതിയില്‍ പദ്ധതി നടപ്പാക്കിയ കുടുംബങ്ങള്‍ക്കും കുടുംബശ്രീക്കുമുള്ള നിര്‍ധന കുടുംബങ്ങള്‍ക്കുള്ള ചികിത്സാ സഹായവും ചടങ്ങില്‍ വിതരണം ചെയ്തു.