കൊച്ചി:  എസ്.ആര്‍.വി ഗവണ്‍മെന്റ് സ്‌കൂളിനെ തങ്ങളുടെ 'ദത്തു വിദ്യാലയമായി' തിരഞ്ഞെടുത്തുകൊണ്ട് സ്‌കൂളിനു ശക്തമായ പിന്തുണ നല്‍കുന്നതിനുള്ള വിപുലമായ പദ്ധതികള്‍ കൊച്ചി ഡൗണ്‍ടൗണ്‍ റോട്ടറി ക്ലബ് ആവിഷ്‌കരിച്ചു.  ഈ വര്‍ഷം 135  ഗവണ്‍മെന്റ് സ്‌കൂളുകള്‍ ഏറ്റെടുത്തുകൊണ്ട് അവയെ സ്മാര്‍ട്ട് സ്‌കൂളുകള്‍ ആയി പരിവര്‍ത്തിപ്പിക്കുന്നതിനുള്ള റോട്ടറി ഡിസ്ട്രിക്ട് 3201 ന്റെ 'പരിവര്‍ത്തന്‍' പദ്ധതിയുടെ ഭാഗമാണ് ഇത്.   ദത്തെടുക്കല്‍ പ്രഖ്യാപനവും പുതിയ സ്മാര്‍ട്ട് ക്ലാസ് റൂമിന്റെ ഉദ്ഘാടനവും ജില്ലാ കലക്ടര്‍ മുഹമ്മദ് വൈ സഫിറുള്ള നിര്‍വഹിച്ചു.