മട്ടാഞ്ചേരി: പതിനഞ്ചുകാരിയെ  പീഡിപ്പിച്ച  സംഭവത്തില്‍ യുവാവ് പൊലിസ് പിടിയിലായി. ചെല്ലാനം മറുവക്കാട് കണ്ണിപ്പുറത്ത് വീട്ടില്‍ ഷിജു (30) നെയാണ് പള്ളുരുത്തി സി.ഐ കെ.ജി അനീഷിന്റെ നേതൃത്വത്തില്‍ പിടികൂടിയത്. പീഡിപ്പിക്കപ്പെട്ട കുട്ടി പ്രതിയുടെ ബന്ധുവാണ്.
 ഇയാളുടെ വിവാഹ നിശ്ചയം  ക്ഷണിക്കാനായി കുട്ടിയുടെ വീട്ടിലെത്തിയപ്പോഴാണ് പ്രതി പീഡനത്തിനിരയാക്കിയത്. കഴിഞ്ഞ രണ്ടിന് രാവിലെ എട്ടോടെയാണ് സംഭവം. കുമ്പളങ്ങി യില്‍ താമസിക്കുന്ന അമ്മാവനെയും കുടുംബത്തേയും വിവാഹ നിശ്ചയം ക്ഷണിക്കാന്‍ എത്തിയ തായിരുന്നു ഇയാള്‍. ഈ സമയം കുട്ടിയുടെ രക്ഷാകര്‍ത്താക്കള്‍ വീട്ടില്‍  ഇല്ലായിരുന്നു.  അവസരം മുതലെടുത്ത് ഇയാള്‍ കുട്ടിയെ പീഡിപ്പിക്കുകയായിരുന്നു.   
അന്ന് തന്നെ സ്‌കൂളില്‍ എത്തിയ കുട്ടി സഹപാഠികളോട് വിവരം പറയുകയായിരുന്നു. സംഭവം ശ്രദ്ധയില്‍ പെട്ട  അധ്യാപകര്‍ ചൈല്‍ഡ് ലൈന്‍ പ്രവര്‍ത്തകരെ വിവരമറിയിക്കുകയും പൊലിസില്‍ പരാതി നല്‍കുകയുമായിരുന്നു. വീട്ടില്‍ നിന്നുമാണ് പള്ളുരുത്തി സി.ഐ കെ.ജി  അനീഷിന്റെ  നേതൃത്വത്തില്‍ പ്രതിയെ പിടികൂടിയത്. കോടതിയില്‍ ഹാജരാക്കിയ ഇയളെ റിമാന്റ് ചെയ്തു.