പാവറട്ടി: പുതുമനശ്ശേരി വൈലിത്തറ പ്രദേശത്ത് അഞ്ചുപേര്‍ക്ക് കടന്നല്‍ കുത്തേറ്റു. മരുതോ വീട്ടില്‍ ചന്ദ്രന്‍, ഭാര്യ ജാനു, കടന്നല്‍കൂട് നശിപ്പിക്കാനെത്തിയ മരുതയൂര്‍ സ്വദേശി കുണ്ടുവീട്ടില്‍ വേലായുധന്‍, രണ്ട് സഹായികള്‍ എന്നിവര്‍ക്കാണ് കുത്തേറ്റത്. വൈലിത്തറയില്‍
സ്വകാര്യ വ്യക്തിയുടെ പറമ്പിലെ തെങ്ങില്‍ വൈകീട്ട് നാല് മണിയോടെ കടന്നല്‍കൂട് നശിപ്പിക്കുന്നതിനിടെയാണ് കടന്നലുകളുടെ കുത്തേറ്റത്. കൂട് നശിപ്പിക്കാനെത്തിയ ആള്‍ തെങ്ങില്‍ കയറി കമ്പ് കെട്ടുന്നതിനിടെ ഒലപ്പട്ട കൂടില്‍ തട്ടി കൂട് ഇളകിയതോടെ ആളുകള്‍ ചിതറിയോടി. വീടിന് സമീപം നില്‍ക്കുമ്പോഴാണ് ചന്ദ്രനും ഭാര്യക്കും കുത്തേല്‍ക്കുന്നത്.
ചന്ദ്രനും ഭാര്യ ജാനുവും അമല ഹോസ്പിറ്റലില്‍ ചികിത്സയിലാണ്.