കൊയിലാണ്ടി: കുടുംബ ശ്രീ ഹോം ഷോപ്പ് പദ്ധതിയെ കുറിച്ച് അറിയാന്‍ ഗൂഡല്ലൂരില്‍ നിന്നും പഠനസംഘം കൊയിലാണ്ടിയിലെത്തി.
ഗൂഡല്ലൂര്‍ കേന്ദ്രമാക്കി പ്രവര്‍ത്തിക്കുന്ന ആദിവാസി മൂന്നേറ്റ സംഘത്തിനു കീഴിലുള്ള എ.സി.സി.ഒ.ആര്‍.ഡി എന്ന കൂട്ടായ്മയിലെ കമ്മ്യൂണിറ്റി ആ നിമേറ്റര്‍മാരുടെ സംഘമാണ് കൊയിലാണ്ടിയിലെത്തിയത്.
700ഓളം കുടുംബങ്ങള്‍ക്ക് സ്ഥിരവരുമാനം ഉറപ്പുവരുത്താന്‍ കുടുംബ ഭീ ഹോം ഷോപ്പ് പദ്ധതിക്ക് കഴിഞ്ഞതായി വക്താക്കള്‍ പറഞ്ഞു.
ഇരുപതംഗ സംഘമാണ് കൊയിലാണ്ടിയില്‍ എത്തിയത്. തിക്കോടിയിലെ നാച്ചുറല്‍ ഡിറ്റര്‍ജന്റ് യൂനിറ്റ് ഹോം ഷോപ്പ് ഹെഡ് ഓഫിസ്, സ്റ്റോക്ക് പോയിന്റ് എന്നിവയും ഹോം ഷോപ്പ് സന്ദര്‍ശിച്ചു.
എ.സി.സി.ഒ.ആര്‍.സി ഡയറക്ടര്‍ സ്റ്റാന്‍ തെക്കെക്കര, ജസ്റ്റ് ചെയിഞ്ച് പ്രവര്‍ത്തകന്‍ ടോണി തുടങ്ങിയവരാണ് സംഘത്തെ നയിക്കുന്നത്. സെക്രട്ടറി പി. പ്രസാദ്, ഖാദര്‍ വെള്ളിയൂര്‍, കെ. സതീശന്‍, പി. ഷീബ, കെ. ഇന്ദിര സംസാരിച്ചു.