ജയ്പൂര്‍: ഹരിയാനക്കെതിരായ രഞ്ജി ട്രോഫിയില്‍ കേരളം പൊരുതുന്നു. ആദ്യ ഇന്നിങ്‌സില്‍ ഹരിയാന 303 റണ്‍സിനു പുറത്തായി. ഒന്നാം ഇന്നിങ്‌സ് തുടങ്ങിയ കേരളം ഒരു വിക്കറ്റ് നഷ്ടത്തില്‍ 170 റണ്‍സെന്ന നിലയില്‍. ഒന്‍പതു വിക്കറ്റുകള്‍ കൈയിലിരിക്കേ കേരളത്തിനു ഹരിയാനയുടെ സ്‌കോറിനൊപ്പമെത്താന്‍ 133 റണ്‍സ് കൂടി വേണം. 58 റണ്‍സെടുത്ത വിഷ്ണു വിനോദിന്റെ വിക്കറ്റാണ് കേരളത്തിനു നഷ്ടമായത്. കളി നിര്‍ത്തുമ്പോള്‍ 56 റണ്‍സുമായി ഭവിന്‍ തക്കറും 51 റണ്‍സുമായി നായകന്‍ രോഹന്‍ പ്രേമും ക്രീസില്‍.
നേരത്തെ രോഹിത് ശര്‍മ (92), സഞ്ജയ് പഹല്‍ (54) എന്നിവരുടെ ബാറ്റിങാണ് ഹരിയാനയ്ക്ക് മികച്ച സ്‌കോര്‍ സമ്മാനിച്ചത്. കേരളത്തിനായി സന്ദീപ് വാര്യര്‍ അഞ്ചും വിനോദ് കുമാര്‍ മൂന്നും ജലജ് സക്‌സേന രണ്ടും വിക്കറ്റുകള്‍ വീഴ്ത്തി.