കണ്ണൂര്‍: ഐ.എസ് ബന്ധമാരോപിച്ച് പെരിങ്ങത്തൂര്‍ കനകമലയില്‍ നിന്നും എന്‍.ഐ.എ അറസ്റ്റ് ചെയ്ത പെരിങ്ങളം പ്രാഥമിക ആരോഗ്യ കേന്ദ്രത്തിനടുത്ത് മദീന മന്‍സിലിലെ മന്‍സീദിന്റെ വീടിനു നേരെ ആക്രമം. ഇന്ന് പുലര്‍ച്ചെ ഒന്നര മണിയോടെയാണ് ആക്രമണം നടന്നത്. മന്‍സിദിന്റെ അസൂഖ ബാധിതരായ പിതാവ് മഹ്മൂദും മാതാവ് ഹസീനയും കുടുംബവും സംഭവ സമയത്ത് വീട്ടിലുണ്ടായിരുന്നു.

വീടിന്റെ ജനല്‍ചില്ലുകള്‍ പൂര്‍ണമായും തകര്‍ത്ത നിലയിലാണ്. മന്‍സിദിനെ എന്‍.ഐ.എ അറസ്റ്റ് ചെയ്ത ദിവസം ബി.ജെ.പി, ആര്‍.എസ്.എസ് പ്രവര്‍ത്തകര്‍ വീടിന് മുന്നില്‍ പ്രകടനം നടത്തിയിരുന്നു. സംഭവം അറിഞ്ഞ് പാനൂര്‍ കണ്‍ട്രോള്‍ റൂം എസ്.ഐ മനു കുമാര്‍,അഡീഷണല്‍ എസ്.ഐ റിനി എന്നിവര്‍ സ്ഥലത്തെത്തി. ചൊക്ലി പ്രിന്‍സിപ്പല്‍ എസ്.ഐ ഫായിസ് അലി സംഭവത്തെക്കുറിച്ച് അന്വേഷണം തുടങ്ങി.