താനൂര്‍: റോഡിലേക്കു വീണു കിടക്കുന്ന ഉണങ്ങിയ മരം വാഹനങ്ങള്‍ക്കും യാത്രക്കാര്‍ക്കും ഭീഷണിയാവുന്നു. താനൂര്‍ ജങ്ഷനില്‍ നിന്നു ബസ് സ്റ്റാന്‍ഡിലേക്കു പോകുന്ന റോഡരികിലാണു മാസങ്ങളായി മരം ഭീഷണിയായി നില്‍ക്കുന്നത്. മഴക്കാലം തുടങ്ങിയ ഉടനെ കാറ്റു മൂലം കടപുഴകി വീണതാണ് മരം.
കച്ചവടക്കാരും യാത്രക്കാരും മരം മുറിച്ചു നീക്കണമെന്നു അധികൃതരെ അറിയിച്ചെങ്കിലും പരിഹാരമായില്ല. വീണു കിടക്കുന്ന മരത്തിലേക്കു പൊന്തച്ചെടികളും മറ്റും പടര്‍ന്നതിനാല്‍ ഇഴ ജന്തുക്കളും തെരുവ് നായകളും താവളമാക്കിയിട്ടുണ്ട്.
മരം മുറിച്ചുമാറ്റാന്‍ അധികൃതര്‍ തയാറാവണമെന്ന് കച്ചവടക്കാര്‍ ആവശ്യപ്പെട്ടു.