ആറ്റിങ്ങല്‍: ഏറെ അപകടകാരികളായ ആഫ്രിക്കന്‍ ഒച്ചുകളെ ആറ്റിങ്ങലില്‍ കണ്ടുതുടങ്ങി. കാര്‍ഷിക വിളകളും മറ്റും നിമിഷങ്ങള്‍ക്കുള്ളില്‍ തിന്നുതീര്‍ത്ത് നാശം വിതക്കുന്ന ഈ ഒച്ചുകള്‍ ആറ്റിങ്ങല്‍ വീരളം റോഡില്‍ വയലില്‍ കുളത്തിന് സമീപമുള്ള പുരയിടത്തിലാണ് കഴിഞ്ഞ ദിവസം രാത്രി മുതല്‍ കണ്ടു തുടങ്ങിയത്. ഏതാനും മാസം മുമ്പ് കിളിമാനൂര്‍ ഭാഗങ്ങളില്‍ ഇവയുടെ ശല്യം രൂക്ഷമായിരുന്നു. പഞ്ചായത്ത് മുനിസിപ്പല്‍ തെരഞ്ഞെടുപ്പു നടന്ന സമയത്ത് വിവിധ രാഷ്ട്രീയ പാര്‍ട്ടികള്‍ ചുവരില്‍ പതിച്ചിരുന്ന പോസ്റ്റര്‍ ഇവ കാര്‍ന്നു തിന്നു. അവരുടെ എതിര്‍ പാര്‍ട്ടികള്‍ നശിപ്പിച്ചതാരാമെന്ന് പരസ്പരം സംശയിച്ച് സംഘര്‍ഷത്തിന്റെ വക്കോളമെത്തി. പിന്നീടാണിവര്‍ സംഭവം നേരില്‍ കണ്ട് വിലയിരുത്തിയത്. ഇതിനോടൊപ്പം ഇവ കൂട്ടത്തോടെ വിള നാശം വരുത്തുകയും
ചെയ്തു. വേഗം പെരുകുന്ന ഇവ ജനങ്ങള്‍ക്ക് ഭീഷണിയായി മാറുകയാണ്.