കരുനാഗപ്പളളി: റെയില്‍വേസ്റ്റേഷന്‍ ബി ഗ്രേഡായി ഉയര്‍ത്തുമെന്ന റെയില്‍വേയുടെ തീരുമാനം റെയില്‍വേ വികസന സമിതി സ്വാഗതം ചെയ്തു.
പതിറ്റാണ്ടുകളായി കരുനാഗപ്പള്ളി റെയില്‍വേസ്റ്റേഷന്‍വഴി യാത്രചെയ്യുന്ന യാത്രക്കാരുടേയും പ്രദേശവാസികളുടേയും നിരന്തരമായ ആവശ്യമാണ് തീരുമാനത്തിലൂടെ സഫലമാകുന്നത്.
സ്റ്റേഷന്റെ വികസനത്തിന് ആത്മാര്‍ഥമായ ശ്രമം നടത്തിയ കെ.സി.വേണുഗോപാല്‍ എം.പിയെ യോഗം അഭിനന്ദിച്ചു. തീരുമാനം എത്രയുംവേഗം നടപ്പിലാക്കുവാന്‍ നടപടികള്‍ ത്വരിതപ്പെടുത്തണമെന്ന് യോഗം ആവശ്യപ്പെട്ടു. സമിതി ചെയര്‍മാന്‍ മുനമ്പത്ത് ഷിഹാബ് അധ്യക്ഷനായി.
ജി.സന്തോഷ്‌കുമാര്‍. പി.സുനില്‍കുമാര്‍, പല്ലിയില്‍ കുഞ്ഞുമോന്‍, പ്രവീണ്‍ മനയ്ക്കല്‍, സി.ബി അഫ്‌സല്‍, റഫീഖ്, രാജേഷ് എന്നിവര്‍ പ്രസംഗിച്ചു.