നാദാപുരം: എം.വൈ.എം കാംപസ് മദ്‌റസയുടെ ഒന്നാം നിലയുടെ നിര്‍മാണ പ്രവൃത്തി പാണക്കാട് മുനവ്വറലി ശിഹാബ് തങ്ങള്‍ ഉദ്ഘാടനം ചെയ്തു. സലാല കൂട്ടായ്മയില്‍ നിന്നുള്ള ഫണ്ട് ആക്കൂപറമ്പത്ത് കുഞ്ഞാലി ഹാജിയില്‍ നിന്നും തങ്ങള്‍ സ്വീകരിച്ചു. കരയത്ത് ഹമീദ് ഹാജി അധ്യക്ഷനായി. മോഡല്‍ ടെക്‌നിക്കല്‍ ഹയര്‍ സെക്കന്‍ഡറി സ്‌കൂള്‍ വിദ്യാര്‍ഥികള്‍ക്കുള്ള എ.ഐ.ടി.ഇ.എസ് സര്‍ട്ടിഫിക്കറ്റ് വിതരണം പാറക്കല്‍ അബ്ദല്ല എം.എല്‍.എ നിര്‍വഹിച്ചു. മദ്‌റസ പ്ലസ്ടു പൊതുപരീക്ഷയില്‍ ജില്ലയില്‍ ഒന്നാം റാങ്ക് നേടിയ ഇ. സനീറക്ക് ജില്ലാ മദ്‌റസ മാനേജ്‌മെന്റ് അസോസിയേഷന്റെ ഉപഹാരം പി. ശാദുലി നല്‍കി. ഓര്‍ഫനേജിലേക്കു പി.വി മസ്ഊദ് മൗലവി, മേനക്കോത്ത് മുഹമ്മദ് ഖൈസ് എന്നിവരുടെ സ്മരണാര്‍ഥം നല്‍കിയ വാട്ടര്‍കൂളര്‍ പി.എ മമ്മൂട്ടി ഏറ്റുവാങ്ങി. മേനക്കോത്ത് അഹ്മദ് മൗലവി പ്രാര്‍ഥന നടത്തി. മുഹമ്മദ് ബംഗ്ലത്ത്, കെ.ജി അസീസ്, സി. മുത്തുക്കോയ തങ്ങള്‍, അന്ത്രു ഹാജി, പി.എ മമ്മൂട്ടി, കാളിയത്ത് നൗഷാദ് മാസ്റ്റര്‍, കോറോത്ത് സാബിര്‍ മാസ്റ്റര്‍, അഹ്മദ് പുന്നക്കല്‍, സൂപ്പി നരിക്കാട്ടേരി, എം.കെ അഷ്‌റഫ്, വി.സി ഇക്ബാല്‍, എന്‍. മൊയ്തു സംസാരിച്ചു.