ന്യൂയോര്‍ക്ക്: സംഗീതജ്ഞനും കവിയുമായ ലിയൊണാര്‍ഡ് കോഹന്‍ അന്തരിച്ചു. 82 വയസ്സായിരുന്നു. ഗായകന്‍, സംഗീതജ്ഞന്‍, കവി എന്നീ നിലകളില്‍ പ്രശസ്തനായ കോഹന്റേതായി രണ്ടായിരത്തോളം ഗാനങ്ങള്‍ റെക്കോഡ് ചെയ്യപ്പെട്ടിട്ടുണ്ട്.

1934 ല്‍ കാനഡയിലെ മോണ്‍ട്രിയോളിലാണ് അദ്ദേഹം ജനിച്ചത്. പിന്നീട് കലിഫോര്‍ണിയയിലേക്കു താമസം മാറ്റി. കഴിഞ്ഞമാസമാണ് അദ്ദേഹത്തിന്റെ അവസാന ആല്‍ബം പുറത്തിറങ്ങിയത്.