കല്‍പ്പറ്റ: സംസ്ഥാന സാക്ഷരതാ മിഷന്‍ അതോറിറ്റി നടത്തുന്ന ഏഴാംതരംതുല്യതാ പരീക്ഷ ഈമാസം 12, 13 തിയതികളില്‍ നടക്കും. ജില്ലയില്‍ 335 പേര്‍ 18 സ്‌കൂളുകളിലായി പരീക്ഷ എഴുതും. ഇവരില്‍ 226 പേര്‍ പുരുഷന്‍മാരും 109 പേര്‍ സ്ത്രീകളുമാണ്. 76 പേര്‍ പട്ടികവര്‍ഗവിഭാഗത്തിലും 22 പേര്‍ പട്ടികജാതി വിഭാഗത്തിലും 237 പേര്‍ ജനറല്‍ വിഭാഗത്തിലും ഉള്ളവരാണ്. രജിസ്റ്റര്‍ചെയ്ത പഠിതാക്കള്‍ അഡ്മിഷന്‍ ടിക്കറ്റുമായി അനുവദിച്ച സ്‌കൂളുകളില്‍ പരീക്ഷ എഴുതണമെന്ന് സാക്ഷരതാ മിഷന്‍ ജില്ലാകോഡിനേറ്റര്‍ അറിയിച്ചു. നവംബര്‍12ന് രാവിലെ 9.30ന് മുതല്‍ 11.30 വരെ മലയാളം, 11.45 മുതല്‍ 1.45വരെ ഇംഗ്ലീഷ്, 3 മുതല്‍ 4 വരെഹിന്ദി. നവംബര്‍ 13ന് 9.30 മുതല്‍ 11.30 വരെ സാമൂഹികശാസ്ത്രം, 11.45 മുതല്‍ 1.45 വരെഅടിസ്ഥാന ശാസ്ത്രം, 2.30 മുതല്‍ 4.30 വരെ ഗണിതം.