മലപ്പുറം: ബഹ്‌റൈന്‍ കെ.എം.സി.സി ജില്ലാ കമ്മറ്റിയുടെ നേതൃത്വത്തില്‍ ജില്ലയില്‍ പ്രവാസി വിധവാ പെന്‍ഷന്‍ വിതരണം ചെയ്തു. ജില്ലയിലെ നിര്‍ധനരായ പ്രവാസികളുടെ വിധവകള്‍ക്കാണ് മാസം തോറും നിശ്ചിത തുക പെന്‍ഷനായി കെ.എം.സിസി നല്‍കി വരുന്നത്. കോട്ടക്കല്‍ മണ്ഡലത്തിലെ ഇരിമ്പിളിയം പഞ്ചായതിലെ പത്താം വാര്‍ഡില്‍ രണ്ട് പ്രവാസി വിധവകള്‍ക്ക് നല്‍കുന്ന പെന്‍ഷന്‍ ഫണ്ട് ടി.പി സുലൈമാനില്‍ നിന്നും പ്രൊഫ. കെ.കെ ആബിദ് ഹുസൈന്‍ തങ്ങള്‍ എം.എല്‍.എ സ്വീകരിച്ചു.
തിരൂര്‍ മുനിസിപ്പാലിറ്റിയിലെ ഒന്‍പതാം വാര്‍ഡിലെ ഒരു പ്രവാസി വിധവക്കുള്ള പെന്‍ഷന്‍ വിതരണം മീനടത്തൂരില്‍ നടന്ന മുസ്‌ലിം ലീഗ് പൊതുയോഗത്തില്‍ അഡ്വ. എന്‍. ശംസുദ്ദീന്‍ എം.എല്‍.എയും തിരൂര്‍ വാര്‍ഡ് കൗണ്‍സിലറും എം.മുഹമ്മദ് മൂപ്പന് കൈമാറി നിര്‍വഹിച്ചു. മുഹമ്മദലി വളാഞ്ചേരി, മൗസല്‍ മൂപ്പന്‍ തിരൂര്‍ തുടങ്ങി ബഹ്‌റൈന്‍ കെ.എം.സിസി ജില്ലാ ഭാരവാഹികളും പ്രതിനിധികളും സംബന്ധിച്ചു.