പയ്യന്നൂര്‍: രണ്ടു ദിവസങ്ങളിലായി പയ്യന്നൂരില്‍ നടന്നുവന്ന ശാസ്‌ത്രോത്സവത്തിനു സമാപനം. സമാപന സമ്മേളനം ടി.വി രാജേഷ് എം.എല്‍.എ ഉദ്ഘാടനം ചെയ്തു. നഗരസഭ വൈസ് ചെയര്‍മാന്‍ കെ.പി ജ്യോതി അധ്യക്ഷയായി. ബാലചന്ദ്രന്‍ മഠത്തില്‍, പുത്തലത്ത് ഇന്ദുലേഖ, പി.പി ലീല, എം.കെ ഷമീമ, പി.വി ദാസന്‍, വി നന്ദകുമാര്‍, സി.എം ബാലകൃഷ്ണന്‍, പി.എം മായ, എം ഉബൈദുല്ല, കെ വനജ, പി.പി മനോജ് കുമാര്‍ സംസാരിച്ചു.

അപ്പീലുകള്‍ ഇന്നും സ്വീകരിക്കും

പയ്യന്നൂര്‍: കണ്ണൂര്‍ റവന്യൂ ജില്ലാ സ്‌കൂള്‍ ശാസ്‌ത്രോത്സവത്തിന്റെ അപ്പീലുകളിന്‍മേലുള്ള ഹിയറിങ് 14ന് കണ്ണൂര്‍ വിദ്യാഭ്യാസ ഉപഡയരക്ടറുടെ ഓഫിസില്‍ നടക്കും. അന്നേദിവസം അപ്പീലുകള്‍ സ്വീകരിക്കുന്നതല്ല. ഇന്നു വൈകുന്നേരം നാലുവരെ ഓഫിസില്‍ അപ്പീലുകള്‍ സ്വീകരിക്കുമെന്നു വിദ്യാഭ്യാസ ഉപഡയറക്ടര്‍ അറിയിച്ചു.